Shqipëria kërkon festën kundër Polonisë në “Air Albania”, ja formacionet e mundshme

Futboll

Shqipëria kërkon festën kundër Polonisë në “Air Albania”, ja formacionet e mundshme

Më: 12 tetor 2021 Në ora: 10:18
Foto

Një ndeshje vendimtare në garën për vendin e dytë në Grupin I të kualifikimeve për në Kampionatin Botëror “Katar 2022” do të zhvillohet sot në Tiranë, ku në stadiumin “Air Albania” do të përballen Kombëtarja e Shqipërisë dhe ajo e Polonisë.

Në xhiron e fundit të zhvilluar, Shqipëria si mysafire mposhti me rezultat minimal 1:0 Hungarinë, kurse Polonia rikthehet nga fitorja 5:0 kundër San Marinos.

Të dy kombëtaret kanë zhvilluar nga shtatë ndeshje, ku Shqipëria ka regjistruar pesë fitore dhe dy humbje, kështu duke u pozicionuar në vendin e dytë me 15 pikë, kurse në anën tjetër Polonia ka katër fitore, dy barazime dhe një humbje, dhe zë vendin e tretë me gjithsej 14 pikë.

Shqipëria dhe Polonia janë përballur nëntë herë mes vete, ku shtatë fitore ka Polonia dhe dy herë janë ndarë me barazim.

Sa i përket mungesave, në ndeshjen e sotme për Shqipërinë do të mungojnë Berat Djimsiti dhe Endri Cekici, kurse te Polonia nuk do të paraqitet mesfushori i Torinos Karol Linetty.

Formacionet e mundshme të dy kombëtareve i gjeni më poshtë.

Shqipëria (3-4-3): Berisha; Kumbulla, Veseli, Ismajli; Hysaj, Gjasula, Bare, Trashi; Bajrami; Broja, Cikalleshi

Polonia (3-4-1-2): Szczesny; Glik, Bednarek, Dawidowicz; Bereszynski, Klich, Moder, Jozwiak; Zielinski; Piatek, Lewandowski

20:45 Shqipëria – Polonia (Stadiumi Air Albania)

commentFirst article
Sot mund të lexoni Shfletoni kopertinat