Super Renova, Shkëndija baras me Sileksin, Shkupi mposhtët
Skuadra e Renovës nga Xhepçishti i Tetovës, shkëlqeu me lojë e rezultat 4:0 ndaj Bregallnicës nga Shtipi, në ndeshjen e javës së 28-të të elitës së futbollit të Maqedonisë. Një fitore me rëndësi për ekipin shqiptar për faktin se e stabilizon në pjesën e epërme të renditjes. Golat i shënuan: Mishkovski (16’), Velinov (65’) e Nafiu (85’ nga penalltia e 90’). Renova është në vend të pestë me 38 pikë të tubuara. Super goli i Stenio Junior nuk i ka mjaftuar Shkëndijës së Tetovës për të dalë me tre pikë nga dueli me Sileksin në Kratovë. Pjesa e parë ishte e balancuar dhe rrjetat mbetën të paprekura, ndërsa në vazhdim pas epërsisë së hershme të vendasve, Junior lëshon një predhë që në fund solli vetëm një pikë. Filipovski shënoi në minutën e 46-të për vendasit dhe Junior në atë të 48-të për Shkëndijen. Shkëndija është në vend të dytë me 55 pikë, 13 me pak se Vardari që triumfoi në Çair me rezultat 2:0 ndaj skuadrës shqiptare, Shkupi. Nga Shkupi bëhet e ditur se dron me flamurin shqiptar është shfaqur në ndeshjen derbi, në Çair mes Shkupit dhe Vardarit. Droni ka qenë i ngjashëm si në ndeshjen eliminatore Serbi-Shqipëri në Beograd, para dy vjetësh.
Liga e Maqedonisë
Renova-Bregallnica 4:0
Sileksi-Shkëndija 1:1
Shkupi-Vardari 0:2
Pelisteri-Pobeda 1:0
Rabotniçki-Makedonija 1:1
Tabela
1. Vardari 28 21 5 2 68
2. Shkëndija 28 16 7 5 55
3. Rabotniçki 28 13 8 7 47
4. Pelisteri 28 11 7 10 40
5. Renova 28 9 11 8 38
6. Sileks 28 8 12 8 36
7. Shkupi 28 6 11 11 29
8. Pobeda 28 4 11 13 23
9. Bregallnica 28 3 10 15 19
10. Makedonija GP 28 3 10 15 19