De Biasi e rikthehen në Kombëtare këtë futbollist

Futboll

De Biasi e rikthehen në Kombëtare këtë futbollist

Më: 30 maj 2017 Në ora: 11:01
Gianni de Biasi

Shtatë muaj larg Kombëtares së Shqipërisë. Për herë të fundit i grumbulluar në sfidën me Lihtenshtejnin, në tetor të 2016. Ajo qe dukej si një krisje e pariparueshme ndërmjet Ergys Kaçes dhe trajnerit Gianni de Biasi tashme është hedhur pas shpine.

Mesfushori shtatshkurtër kthehet me Kombëtaren, prej ndeshjeve te radhës, miqësores se 4 qershorit me Luksemburgun dhe sfidës delikate ne kualifikueset e Boterorit 2018, me 11 qershor në  fushën e Izraelit.

Një ndeshje që mund të vendose shumë për fatin e edicionit të Shqipërisë dhe ku nevojitet kontributi i të gjithëve. Edhe ai i një lojtari si 23-vjeçari korçar.

Pavarësisht se në ketë sezon ka luajtur me pak se 25 ndeshje mes çekeve te Viktoria Plzen dhe grekeve te PAOK, klasi dhe kualiteti i Kaces nuk kane diskutim. Mjafton të kujtosh që në fundin e sezonit rifitoi besimin e skuadrës nga selaniku, ku u rikthye në protagonist.

Për herë të fundit ka zbritur me Shqipërinë në fushë në miqësoren e 31 gushtit te kaluar, te barazuar me Marokun ne Shkodër. De Biasi e ka argumentuar lënien jashtë ekipit në muajt e fundit si zgjedhje teknike, duke theksuar se lojtaret duhet te pranojnë zgjedhjet e trajnerit dhe se futbolliste të mëdhenj janë ata që pranojnë edhe stolin, duke sakrifikuar për të mirën e përbashkët.

Një leksion qe Kaçe tashme duket e ka kuptuar dhe mësuar. Mesfushori është gati të bëjë gjithçka për Kombëtaren. Në çdo moment kur të thirret në kauzë. Pse jo të tentojë një tjetër magji ne Izrael, si ajo qe i dhuroi Shqipërisë fitoren historike me Francën në miqësoren e qershorit 2015. Kace rikthehet i gatshëm për kuqezinjtë pikërisht në këtë periudhe te vitit. Ndoshta fati e do qe ai te jete serish vendimtar.

Image
Sot mund të lexoni Shfletoni kopertinat