Zlatan Ibrahimovic pritet të bëhet me skuadër të re dhe zyrtarizimi do të ndodhë në fillim të muajit korrik.
Ylli suedez ka vendosur të largohet nga kampioni i Ligës së Evropës, Manchester United.
Por mediat angleze kanë raportuar se e ardhmja e tij nuk pritet të jetë në ndonjë kampionat evropian.
Ibrahimovic pritet ta fillojë një aventurë të re në kampionatin amerikan MLS.
Është skuadra Los Angeles Galaxy që i ka ofruar kontratë tri vjeçare për ish-reprezentuesin e Suedisë.
Në Shtetet e Bashkuara të Amerikë janë të sigurtë se Ibrahimovic ka pranuar transferimin atje pasi Galaxy i ka ofruar pagë të madhe.
Besohet se Ibrahimovic do të fitojë rreth 11 milionë euro në vit me kontratën e re.
Për 35-vjeçarin interesim ka shfaqur edhe gjiganti rus, Zenit St Petersburg.
