Marco Veratti duket se i ka dhënë fund thashethemeve rreth të ardhmes.
Mesfushori italian i është bashkuar shokëve në stërvitje me skuadrën franceze të Paris Saint-Germain.
“Lojtari italian është ribashkuar me skuadrën këtë mëngjes (të premten), para se të fillojë stërvitjet në fushë”, shkruan në njoftimin e ekipit të PSG-së.
Reprezentuesi italian ka qenë lidhur për një kohë me gjigantin spanjoll Barcelonën, i cili e shihte si pasardhës të denjë të Andres Iniestas.
Ndryshe, dje agjenti i lojtarit edhe publikisht kishte kërkuar largimin e italianit prej francezëve, por e cila ishte refuzuar prej PSG-së.
