Klubi madrilen ka rikthyer në skuadër mbrojtësin e talentuar spanjoll.
Jesus Vallejo është blerë nga Real Madridi në vitin 2015 por fillimisht klubi kishte vendosur ta linte te skuadra e tij Real Zaragoza, para se ai të huazohej sezonin e shkuar tek Eintracht Frankfurt në gjermani.
Pas paraqitjeve të mira me Spanjën në Kampionatin Evropian të U-21, Vallejo ka bindur drejtuesit e Realit që ta kthenin në Santiago Bernabeu.
20-vjeçari është prezantuar sot para medieve ku ka marrë edhe numrin 3 në fanellë, i cili është lënë i lirë nga portugezi Pepe, që është larguar nga kampionët e Evropës këtë verë.
