Ish futbollisti i ekipit Dinamo Vinkovci, Cibalija, Istra të Pulës , Hajdukut të Splitit dhe Shkëndijës së Tetovës, Irfan Islami, është emëruar trajner i ish skuadrës së Ligës së Parë kroate “NK Marsonija” të Sllavonski Brodit, ku kanë luajtur edhe yjet e futbollit kroat Ivica Iliq dhe Mario Manxhukiq,.
“Është një sfidë shumë e rëndësishme për mua dhe karrierën time si trajner duke marrë para sysh cilësinë e futbollit në Kroaci. Marsonija aktualisht është në Ligën e tretë kroate por pretendimet e këtij klubi janë që të kthehet në elitën e futbollit kroat. Drejtuesit e klubit kanë premtuar se do më japin përkrahje të parezerv në arritjen e qëllimeve tona. Shpresojë kam përvojën e duhur që ti prij këtij klubi” deklaroi Irfan Islami
Ndryshe trajneri Islami i lindur në fshatin Sëllarcë e Epërme të komunës së Bogovinës, hapat e para së futbollist i ka filluar pikërisht në ekipin Marsonija të Sllavonski Brodit, ndërsa dëshira e tij më e madhe është që të kthehet në vendlindje të drejtojë ndonjë skuadër nga Maqedonia.