Futbollisti Leotrim Brahimaj ka ndërruar mjedis. Ai nga Ballkani i Therandës kaloi në petkun e KF Ferizajt. Ferizajasit mëtojnë të përforcohen sa më shumë me synim që të rikthehen në elitën e futbollit.
“Top sulmuesi i Ligës së Parë, Leotrim Brahimaj është transferi i radhës i Ferizajt. Ai luajti për Ballkanin, duke shënuar 24 gola në 33 ndeshje në edicionin e fundit. Brahimaj ka nënshkruar kontratë dyvjeçare me mundësi vazhdimi. Brahimaj, Guraziu dhe Kuka priten ta udhëheqin sulmin në ekipin ferizajas”, thuhet nga KF Ferizaj.