Hekuran Kryeziu mendon se Kosova mund ta mposhtë Ukrainën nëse luan sikurse ndaj Kroacisë në Zagreb
Përfaqësuesja e Kosovës ka zhvilluar stërvitjen e parë para ndeshjes me Ukrainën, e cila luhet me 6 tetor në stadiumin e Shkodërs, “Loro Boriçi”.
Mbrojtësi i Kosovës, Hekuran Kryeziu mendon se me një lojë të ngjashme sikur ndaj Kroacisë, Kosova mund të arrijë fitoren e parë të saj.
“Atmosfera është si gjithmonë shumë e mirë…Ne besojmë, jemi optimistë, si grup dhe me lojën si kundër Kroacisë, besoj se mund të arrimë fitoren e parë”, ka deklaruar anëtari i Luzernit.
Kosova ka vetëm një pikë në Grupin I, derisa Ukraina ka 14 pikë, dy më pak sesa Kroacia e Islanda, që ndajnë dy pozitat e para.
