Lideri agresiv i Zvicrës është i dëmtuar - Valon Behrami. Fakt është: në tetë ndeshjet e Rusi 2018 një lojtar titullar i helvetëve ka munguar, shkruan “Blick”.
Xherdan Shaqiri mungonte kundër Portugalisë, por përsëri fitoi 2:0 kundër kampionit të KE. Në ndeshjen e dytë Zvicrës i mungonte strategu i mesfushës Granit Xhaka, për shkak të pezullimit nga kartonët e verdhë. Por përsëri Zvicra fitoi 3:2 kundër Hungarisë.
Te fitorja kundër modestëve të Andorrës dhe Ishujve Faroe mungonte Valon Behrami dhe Shaqiri (përsëri i dëmtuar). Në ndeshjen e pestë kundër Letonisë mungonte Ricardo Rodriguez, Behrami dhe Embolo por përsëri fituan me 1:0. Ngjashëm ka ndodhur edhe me ndeshjet e kthimit në Letoni, Ishujve Faroe dhe Andorrë.
Në dy ndeshjet e fundit kundër Hungarisë ( e diel në Basel) dhe Portugalisë (të martën në Lisabonë) mungon Behrami.
Sëbashku me të edhe Gelson dhe Edimilson Fernandes./Bota sot