Argjentina ka ende shpresa. Kombëtarja Albicelste nuk arriti dot të merrte një fitore përballë Perus.
Një moment ky që komplikon akoma edhe më shumë rrugën e argjentinës në rrugën drejt boterorit Rusi 2018. Sidoqoftë përtej situatës aspak të këndshme ai që kujdeset për ti dhënë skuadrës kurajo dhe frymë optimisite është trajneri Jorge Sampaoli, i cili beson se në ndeshjen e fundit, atë ndaj Ekuadorit ekipi do të arrijë të fitojë, transmeton SuperSport.
“Na mungoi goli. Sidoqoftë jam besimplotë që do t’ia dalim të fitojmë përballë Ekuadorit. Nëse do ta luajmë ndeshjen e fundit ashtu sic dime në, atëherë do të jetë dhe Argjentina pjesë e botërori. Sigurisht që situata nuk është e qetë, por kualifikimi varet vetëm nga ne, duhet të japim të mirën tonë. Në skuadër ka një frymë optimiste. Jam i bindur se do t’ia dalim.”
Argjentina do të luaj takimin e fundit ndaj Ekuadorit më datë 11 Tetor. Shansi i fundit për Albicelstët ku fitorja është i vetmi rezultat që do ti garantone një biletë për në botëror.
