Albert Bunjaku ka folur pas ndeshjes së fundit si trajneri i Përfaqësueses së Kosovës.
Përfaqësuesja e Kosovës humbi në ndeshjen e fundit në grupin I ndaj Islandës me rezultat 2-0.
Kjo ishte ndeshja e fundit për trajnerin Bunjaku, i cili largohet pas tetë vitesh nga posti i trajnerit të Kosovës.
Pas ndeshjes, Bunjaku u shpreh i emocionuar që po ndahet nga Kosova, por ndihet krenar me punën që e ka bërë për këto shumë vite.
“Është shumë e vështirë për ta luajtur ndeshjen e fundit pasi kemi kaluar shumë vite së bashku. Një paraqitje e tillë të jep emocion edhe më shumë, pasi nuk u dorëzuam asnjëherë”, ka thënë fillimisht Bunjaku.
“Jam shumë krenar me këta djem dhe jam shumë krenar me atë që kemi bërë këto vite. Pavarësisht problemeve, jemi i lumtur që kemi qenë në këtë grup për zhvillimin e këtyre lojtarëve”.
“Nuk ka fjalë që mund ta përshkruaj punën me këta djem dhe besoj që gjithë Kosova duhet ti përkrah këta djelmosha”.
“Performaca ishte e mirë dhe nuk u dorëzuan asnjë moment ndaj një kombëtare të vështirë si Islanda. Eksperienca e Islandës na mposhti. Kjo na ka penalizuar edhe në ndeshje në Shkodër”
“Pasardhësit ia lë një grup me potencial. Ai e ka një rrugë më të lehtë,. Ky ka qenë qëllimi ynë nga fillimi”, përfundoi trajneri i Kosovës.
