Skuadra më e trofeshme në vendin tonë, Prishtina, u kthye me rezultat të favorshëm nga Luksemburgu, duke luajtur baras (0:0) me Fola Esch, në ndeshjen e parë të eliminatorëve për Europa League, Futbollisti i Prishtinës, Mauthier Mankenda, tha se është rezultat pozitiv: “Është e rëndësishme që arritëm rezultat pozitiv dhe besoj se për ndeshjen kthyese mund të bëjmë gjëra edhe më të mira, sepse mendoj se mund të fitojmë. Ne kishim rast edhe ta mbyllim ndeshjen në Esch, por në Mitrovicë do jetë edhe më mirë”. Me 19 korrik (19.00) luhet ndeshja e kthimit mes Prishtinës dhe Fola Esch.
