Nga fjalët te faktet. Menjëherë sapo shiti Sime Vrsaljko te Inter, Atletico e Madridit e ka zëvendësuar mbrojtësin e djathtë, duke marrë Santiago Arias, 26 vjeç, pjesë e kombëtares së Kolumbisë.
Spanjollët e kanë zyrtarizuar marrëveshjen me një postim në rrjetin social “Twitter”.
Mbetet me gisht në gojë Napoli që e kërkonte prej kohësh futbollistin e PSV Eindhoven dhe ishte shumë pranë marrëveshjes me klubin holandez, por në fund vendosi vullneti i futbollistit.
Arias u kërkua me ngulm nga trajneri Diego Simeone dhe klubi plotësoi dëshirën e “El Cholo” duke paguar 15 milionë euro.
Ai bëhet përforcimi i tretë për “Los Colchoneros”, pas Lemar, që erdhi për 65 milionë euro nga Monaco dhe Gelson Martins, i cili erdhi “gratis” nga Sportingu i Lisbonës.