Mbrojtësi i djathtë, Florent Hadërgjonaj, me padurim pret fillimin e edicionit të ri në Premier League, i cili do të nisë të sot me ndeshjen Manchester United – Leicester City, nga ora 21:00.
Skuadra e Huddersfieldit ndeshjen e parë do ta luajë në shtëpi kundër Chelseat të shtunën (16:00) dhe talenti shqiptar mezi pret të zbresë në fushë.
“Me padurim pres fillimin e edicionit dhe përballjen me Chelseat. Duhet të jemi të koncentruar dhe të nisim edicionin me rezultat pozitiv. Nuk do të jetë lehtë për shkak se përballë kemi Chelsean, por do ta kemi edhe përkrahjen e tifozëve tanë”, është shprehur Hadërgjonaj.
