Liverpooli mbetet pa Lovren për tri javë

Futboll

Liverpooli mbetet pa Lovren për tri javë

Më: 13 gusht 2018 Në ora: 16:42
Mbrojtësi kroat Lovre

Mbrojtësi kroat nuk është ende i gatshëm për të luajtur.

Ngarkesa e madhe në ndeshjet e Kampionatit Botëror me Kroacinë, kanë shtyrë Dejan Lovrenin që të qëndrojë jashtë fushave të blerta për të paktën tri javë.

Këtë lajm e ka konfirmuar edhe trajneri Jurgen Klopp, i cili ka shpjeguar edhe arsyen pse Lovren nuk do të mund të ndihmojë ekipin në këtë periudhë, përcjell KosovaPress.

“Ai nuk është i gatshëm”, ka thënë Klopp.

“Gjatë Botërorit ka luajtur në tri ndeshje radhazi mbi 120 minuta dhe kjo është e tepërt”.

“Pres që gjatë këtyre javëve ai të pushojë dhe më pas të kthehet në formë të mirë”, ka theksuar trajneri gjerman.

Liverpooli e ka nisur sezonin e ri në Premier Ligë me një fitore të thellë prej 4-0 ndaj West Hamit.

commentFirst article
Sot mund të lexoni Shfletoni kopertinat