Manchester United ka pësuar humbjen e parë këtë sezon në Premierligë, duke u mundur 3:2 nga Brighton në udhëtim.
Jose Mourinho normalisht nuk mbeti aspak i kënaqur me lojtarët e tij. Menjëherë pas ndeshjes portugezi u prononcua për mediat.
“Kishte shumë gabime dhe u ndëshkuam nga gabimet. Ka raste kur gabimet nuk i shfrytëzon kundërshtari por sot nuk ndodhi kështu” deklaroi Mourinho për “SkySports”.
“Nuk prisja këso gabimesh. Nuk ishin gabime të vogla. U ndëshkuam nga to” vazhdoi ai.
Frustrimi i portugezit dukej se kishte të bënte më së shumti me fazën defanzive dhe përfundimi i deklaratës duhet ti shqetësojë lojtarët e United pasi “The special one” u shpreh “Afati i transferimeve do të hapet në janar”.
United javën tjetër do të përballet me Tottenham, ndeshje kjo jo e lehtë për “djajtë e kuq”.
