Një avion me qira, për pakënaqësitë ndaj drejtuesve të Man. United - Bota Sot
Një avion me qira, për pakënaqësitë ndaj drejtuesve të Man. United

Futboll

Një avion me qira, për pakënaqësitë ndaj drejtuesve të Man. United

Më: 23 gusht 2018 Në ora: 20:55
Për Manchester United nuk ka paqe! Pakënaqësitë e shprehura nga trajneri Jose Mourinho

Për Manchester United nuk ka paqe! Pakënaqësitë e shprehura nga trajneri Jose Mourinho përkundrejt një merkatoje të varfër dhe shumë poshtë pritshmërive të tij, tashmë po shkakton pasoja negative në të gjithë ambientin e “djajve të kuq”, veçanërisht mes tifozëve.

Sipas asaj që publikojnë tabloidët britanikë, mbështetësit më fanatikë të Manchester United kanë prenotuar një avion, i cili me rastin e ndeshjes në transfertë me Burnleyn, më 2 shtator, do të fluturojë mbi stadium me një parullë të çuditshme pakënaqësie.

Në të shkruhet “Ed Out – LUGH”, që nënkupton “Të largohet Ed – Dashurojmë United, urrejmë Glazers”.

Një parullë që ngrihet në nivelin e “shpalljes së luftës” kundër drejtuesve amerikanë të klubit britanik, veçanërisht ndaj zv.presidentit ekzekutiv Ed Woodward, i cili konsiderohet si përgjegjësi kryesor i merkatos “amatore”.

E sikur të mos mjaftonte kjo, edhe Pogba duket se ka shprehur pakënaqësitë e tij, duke i kërkuar klubit ta nxjerrin në shitje. Një lamtumirë që do të përkeqësonte edhe më shumë raportet mes drejtuesve, trajnerit dhe tifozëve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...