Kanë mbetur edhe pesë ditë deri në fundin e merkatos në Francë.
Kampionët aktual, Paris Saint Germain po vazhdojnë edhe më tutje të kërkojnë lojtarë në tregun e transferimeve, në mënyrë që të qëllojnë në shenjë javën e fundit të afatit kalimtar.
Siç raportojnë mediat nga gadishulli Iberik, “Los Colchoneros” të dielën kanë mbajtur stërvitjen e rradhës, mirëpo aty nuk ka qenë as për një minutë të vetme, Felipe Luis. Ish-anëtari i Chelseat ka qenë i lidhur me një largim të mundshëm nga “Wanda Metropolitano”, por deri më tani nuk ka asgjë konkrete në atë drejtim.
Skuadra e Thomas Tuchel e ka kërkuar lojtarin me ngulm qe një kohë të gjatë, por sipas klubit spanjoll, ende nuk ka ardhur asnjë ofertë zyrtare drejt kryeqytetit.
Mbetet të shihet deri më datën 1 Shtator nëse do të ketë diçka më serioze, kurse ne do t’iu mbajmë të informuar në kohë reale për ç’do ndryshim eventual.