Kingsley Coman po llogaritet si njëri nga lojtarët më të pafat të Bayernit.
Sulmuesi i talentuar francez, kishte pësuar një lëndim të rëndë edicionin e kaluar që bëri ta humbas edhe Kampionatin Botëror me Francën.
Lojtari u rikthye në fushat e futbollit dhe pati paraqitje mjaftë të mira në fazën përgatitore me Bayernin.
Por në ndeshjen hapëse të Bundesligës ai pësoi një lëndim të njëjtë, pasi ka këputur ligamentet e gjurit dhe pritet të mungojë rreth shtatë muaj.
Kësisoj Bayerni po mendon ta zëvendësojë francezin gjatë këtij afati kalimtar veror.
Mediat gjermane kanë raportuar se rekordmenët e Bundesligas kanë kthyer sytë kah Juan Cuadrado i Juventusit.
30-vjeçari kolumbian ka hasur në vështirësi të luaj te Juventusi pas ardhjes së Cristiano Ronaldos.
Bayerni po mendon që të dërgojë një ofertë rreth 25 milionë euro për blerjen e kolumbianit.
