Drejtori Sportiv i Juventusit, Beppe Marotta ka thënë se Juventusi nuk duhet të fshihet nga fakti se është një nga favoritët për ta fituar Ligën e Kampionëve, sidomos pas transferimit të Cristiano Ronaldos.
Në Grupin H kampioni italian do të përballet me Manchester Unitedin, Valencian e Young Boysin, transmeton Koha.net.
“Ky është një turne ku një rezultat i vetëm mund të jetë vendimtar, prandaj asnjëherë s’mund të relaksohemi. Nuk e di nëse ne jemi favoriti, por jemi në mesin e tyre dhe prej kësaj s’duhet të fshihemi. Transferimi i Ronaldos është i jashtëzakonshëm. Donim të rrisnim kualitetin e skuadrës për të realizuar ëndrrën, por shpresojmë se do të bëhet realitet”, është shprehur Marotta.