Presidenti i Lyonit, Jean-Michel Aulas ka konfirmuar se Chelsea ka refuzuar mundësinë për të nënshkruar me Nabil Fekir gjatë verës.
25-vjeçari francez ishte i destinuar për tu transferuar këtë verë në futbollin anglez apo më saktë në Ligën Premier.
Liverpooli mendohej se ishte skuadra e cila e fitojë garën, por në fund vendosën për të mos nënshkruar me yllin francez, i cili thuhet se nuk i kaloi testet mjekësore.
Pas këtij dështimi të transferimit u përfol për një kalim të Fekir te Chelsea, por presidenti i Lyonit ka treguar se Blutë refuzuan mundësinë e nënshkrimit të tij.
“Në fillim, kur menduam për afatin kalimtar të transferimeve të verës dhe si të organizojmë skuadrën e ardhshme, menduam se ai ishte praktikisht i larguar”, ka thënë fillimisht Aulas për Football News France.
“Kjo është arsyeja pse ne kemi qenë në gjendje t’i përshtatim gjërat”.
“Ne folëm me përfaqësuesit e Chelseat, dhe ata nuk kishin asnjë interesim në të”.
“Prej atëherë e kemi kuptuar se mund të ndryshonim planet tona, pra me qëndrimin e Fekirit”, përfundoi presidenti i Lyonit.
