Gjiganti i Serie A-së, Napoli, është nën ethe për shkak të lëndimit që e ka pësuar qendërmbrojtësi Vlad Chiriches.
Ish-lojtari i Tottenhamit e ka pësuar një lëndim gjatë ndeshjes së Rumanisë dhe Malit të Zi. Ai e mori lëndimin në gjurin e majtë dhe dyshohet se e ka lënduar ligamentin.
Sky Italia raporton se Chiriches do të udhëtojë për në Itali, në klinikën Villa Stuart, Romë, ku do të mjekohet nga doktor Mariani, i cili do ta zbulojë kohën se sa do të mungojë ai jashtë fushave.
Nëse rekomandohet ndonjë operacion, Chiriches do t’i nënshtrohet menjëherë.