Jose Mourinho ka reaguar pas spekulimeve për përplasje të reja mes tij dhe mesfushorit Paul Pogba.
Menaxheri i Manchester United, Jose Mourinho ka thënë se “nuk kam problem” me Paul Pogban edhe se e ka njoftuar mesfushorin se nuk do të jetë më kapiten i ekipit.
Mourinho ia hoqi Pogbas statusin e zëvendëskapitenit pas shqetësimeve për qëndrimin e tij.
“E vetmja e vërtetë është se kam marrë një vendim që ai të mos jetë më kapiten i dytë por nuk ekziston asnjë përplasje, asnjë problem”, u shpreh Mourinho pas eliminimit nga Carabao Cup.
“Unë jam menaxheri, mund të marrë këso lloj vendimesh. Nuk ekziston asnjë problem, vetëm një vendim që nuk duhet ta shpjegoj”, u shpreh ai.
