Teknologjia ka ndikuar që në futbollin italian të ketë më pak përjashtime me kartonë të kuq.
Vetëm pesë kartonë të kuq në gjashtë javët e para në Serie A janë një numër vërtet i vogël për një kampionat që karakterizohet gjithmonë nga mbrojtja e fortë.
Kjo është një nga kuotat më të ulëta në futbollin italian, praktikisht një përjashtim në thuajse 12 ndeshje.
Në një analizë krahasuese me sezonet e kaluara, numri i kartonëve të kuq ka rënë ndjeshëm dhe shumëkush e cilëson si një frikë nga sistemi VAR dhe efektit të korrigjimeve.
Në sezonin 2015-16, pas zhvillimit të gjashtë javëve të para u regjistruan 23 kartonë të kuq, ndërsa vitin e kaluar kishte 12 të tillë, më shumë se gjysma e numrit mbresëlënës të këtij viti.
