Ndeshja e parë hapëse e javës së shtatë të Serie A-së do të fillojë me superderbin mes Romës dhe Lazios duke filluar nga ora 15:00 në Olimpico të Romës.
Roma sot kërkon fitoren e tretë të këtij stinori, e cila do të ishte shumë e rëndësishme, për shkak se është derbi i qytetit të Romës.
Lazio momentalisht është në vendin e katërt të tabelës, katër pikë më shumë se rivali që do të ballafaqohet sot, Roma.
Lazio është në formë shumë më të mirë, pasi i ka fituar katër ndeshje radhazi, dhe sot e kërkon të pestën.
Në shtatë ndeshjet e fundit mes tyre, Roma i ka fituar katër ndeshje, Lazio dy dhe një ndeshje ka përfunduar e barabartë.
