Avokatët e Cristiano Ronaldos thanë të premten se do të padisin revistën gjermane “Der Spiegel”, pasi që sipas tyre ajo publikoi akuza "të paligjshme" të një gruaje amerikane, e cila pretendon se është përdhunuar nga ylli portugez i futbollit, në vitin 2009.
Avokati i Ronaldos, Christian Schertz tha në një deklaratë se raporti ishte "një raportim i papranueshëm i dyshimeve në fushën e privatësisë" dhe se ai do të kërkonte dëmshpërblim ligjor për klientin e tij nga revista.
Deklarata u dërgua në Reuters nga agjenti i Ronaldos, Gestifute, si përgjigje ndaj kërkesës për të komentuar skandalin e publikuar në revistën gjermane.
Gestifute nuk u përgjigj asnjë pyetje specifike në lidhje me përmbajtjen e raportit të “Der Spiegel”, revistë e njohur gjermane, e të cilin Reuters nuk ishte në gjendje të verifikonte në mënyrë të pavarur.
Ronaldo është një nga emrat më të mëdhenj në sportin botëror. Ai është emëruar lojtar i vitit pesë herë dhe u transferua te Juventus nga Real Madrid këtë verë për 100 milionë euro.
As Klubi italian nuk pranoi të komentojë mbi raportin “Der Spiegel”.