Si gjithmonë kur ndeshen Gjilani-Drita atmosfera është elektrizuese në stadiumin e qytetit në Gjilan. Në një atmosferë të zjarrtë në derbin më të madh ë vendin tonë, Gjilani doli me pikë të plota, duke e mundur me rezultat minimal 1:0 rivalin e përbetuar Dritën, kampion në fuqi. Lojë e mirë nëpër mot të freskët dhe atmosferë drithëruese e krijuar nga rreth 7-8 mijë shikues.
Tifozët “Skifterat” e Gjilanit dhe ata të Dritës “Intelektualët” krijuan atmosferë për mbamedje, me brohoritjet e tyre duke i dhënë motiv futbollistëve në fushë. Në minutën e 40-të, Bujar Shabani me vetëmohim të pashoq, goditi bukur por nuk befasohet portieri i Gjilanit Donat Kaçiu. Në fund të pjesës së parë (43’) Drita tronditet, ndërsa te Gjilani gëzim i madh.
Perez shënon me kokë pas asistimit të Ansi Nika. Gol që ndezi atmosferën te tifozët “Skifterat”. Në pjesën e dytë u zhvillua lojë mjaft e mirë, por kampioni në fuqi me gjithë presionin e madh drejt portës së Gjilanit, por sulmuesit e saj nuk e gjetën portën. Gjilani triumfon dhe ngjitet në vend të katërt me 13 pikë, ka shtatë më shumë se Drita që renditet në pozitën e dhjetë.
Ipko Superliga, java 7
Trepça '89-Ferizaj 1:0
Drenica-Ballkani 2:1
Feronikeli-Liria 4:2
Llapi-KEK-u 2:0
Gjilani-Drita 1:0
Prishtina-Flamurtari
Tabela
1. Feronikeli 7 5 2 0 17
2. Llapi 7 5 1 1 16
3. Flamurtari 6 4 1 1 13
4. Gjilani 7 4 1 2 13
5. Drenica 7 3 3 1 12
6. Prishtina 6 3 2 1 11
7. Trepça 89 7 2 3 2 9
8. Ballkani 7 2 2 3 8
9. Liria 7 2 0 5 6
10. Drita 7 2 0 5 6
11. Ferizaj 7 1 1 5 4
12. KEK-U 7 0 0 7 0
Në javën e ardhshme takohen: Flamurtari-Gjilani, Liria-Prishtina, Drita-Trepça '89, Llapi-Feronikeli, KEK-u-Ballkani dhe Ferizaj-Drenica.
