Sulmuesi kilian nuk po e gjen veten në skuadrën e Jose Mourinhos.
Aventurës së Alexis Sanchez te Manchester United po i vjen fundi shumë shpejt.
Sipas mediave angleze, sulmuesi kilian pritet të nxirret jashtë planeve të skuadrës nga “Djajtë e Kuq” dhe mund të largohet që në afatin kalimtar të janarit.
Gjithçka vjen si rrjedhojë e formës së dobët që ka shfaqur Sanchez që nga momenti që është transferuar në Old Trafford, janarin e kaluar.
Edhe vetë lojtari ka shprehur pakënaqësinë që është lënë jashtë skuadrës për ndeshjen me West Hamin.
Kujtojmë se Sanchez është lojtari më i paguar në Premier Ligë, por në këta muaj sa ka luajtur me United ka treguar shumë pak.
