Manchester United ka bërë nisjen më të keqe në Premier League në 29 vitet e fundit dhe duket se drejtuesit shikojnë Jose Mourinho-n si përgjegjësin kryesor.
Polemikat për blerjet e munguara në merkato, problemet me dhomat e zhveshjes dhe, mbi të gjitha, “fërkimet” e fundit me Paul Pogba, duket se do t’i kushtojnë vendin e punës portugezit. Në fakt, shkarkimit duket se është një hap larg.
Për këtë arsye, në shtëpinë e “Djajve të Kuq” kanë filluar të mendojnë për zëvendësuesin e mundshëm, me emrin e Zinedine Zidane që është në krye të listës.
Ndërkohë, sipas “The Sun”, francezi ka dashur të flasë me Jose Mourinho-n për t’i shpjeguar se ka qenë klubi që e ka kontaktuar atë dhe jo e kundërta.
Zidane i ka telefonuar Mou-së për t’i larguar çdo dyshim se mund të kishte qenë ai që i kishte propozuar klubit të merrte drejtimin e United. “Special One” duket se i ka ditët e numëruara.