Futbollisti nga Kosova, Meritan Shabani, shënoi për Bayern Munihun, por ishin të pafat që t’i marrin tri pikë në duel me Ajaxin nga Amsterdami, në ndeshjen e xhiros së dytë të grupit E në Champions League U-19. Shabani bëri paraqitje shumë të mirë dhe u paraqit tërë takimin, kurse shqiptari tjetër, Marvin Çuni, inkuadrohet në lojë nga minuta e 83-të për Bayernin.
Shabani shënoi në minutën e 70-të, kur kaloi në epërsi (2:1) bavarezët por nuk i mjaftoi për fitore, ngase në çastet e fundit u ndëshkuan nga mysafirët.
Për vendasit shënuan: Mai (59’) e Shabani (70’) dhe për mysafirët: Lang (2’) e Botman (90’). Për Bayernin U-19 është pika e parë, kurse Ajaxi vazhdon serinë e mirë. Benfica kryeson me 6 pikë. pasojnë Ajax 4, Bayerni 1 dhe AEK 0 pikë.
