Mbledhja e Komisionit të Disiplinës ka rezultuar fatale për Burrelin. Përtej akuzave të ngritura prej Stavri Nicës për kërcënime me jetë nga kapiteni i Shënkollit, trajneri nuk i ka shpëtuar pezullimit.
Plot 3 javë është dënuar durrsaku dhe e njëjta masë vlen edhe për djalin e tij, Denis Nicën (zv.trajner) dhe mjekun Adhurim Lala. I vendosur përpara kësaj situate, ku veç krizës së rezultateve, iu shtua edhe revolta e ekipit për financat, Nica ka paraqitur dorëheqjen pranë drejtuesve më të lartë. Burime të sigurta në klub konfirmojnë këtë lajm për “Panorama Sport”.