Gjilani importoi një pikë të madhe nga kryeqyteti përkatësisht në duel me Flamurtarin e Prishtinës, në ndeshjen e fundit të javës së tetë të IPKO Superligës së Kosovës. Gjilani barazoi me rezultat 1:1 me Flamurtarin. Ndeshja ka qenë mjaft e mirë, ndërsa për vendasit është një pikë mjaft e mirë dhe e ka ngritur në vend të tretë me 15 pikë sa ka edhe Prishtina në pozitën e katërt, kurse gjilanasit me pikën e importuar shtojnë dhe më shumë gjasat për kreun e tabelës.
Gjilani renditet në pozitën e pestë me 14 pikë, ka gjashtë me pak se lideri Feronikeli nga Drenasi. Të dyja golat u shënuan në periudhën e parë të lojës. Në minutën e 6-të, Flamurtari kaloi në epërsi duke iu falënderuar golit të bukur të Alban Shillovës. Pesë minuta pa përfunduar pjesa e parë, rezultatin e barazoi (1:1) Trevin Ceaser.
Pikë e madhe për Gjilanin, ndërsa Flamurtari megjithatë doli me rezultat të mirë dhe është si befasi e edicionit të sivjetshëm. Në javën e ardhshme Flamurtari është mysafir i Trepçës ’89, ndërsa Gjilani mikpritës i Lirisë. Flamurtari deri me tash ka katër fitore, tre barazime e një humbje, kurse Gjilani katër fitore, dy barazime e dy humbje.