Albert Bunjaku uron Kosovën pas fitores ndaj Maltës - Bota Sot
Albert Bunjaku uron Kosovën pas fitores ndaj Maltës

Futboll

Albert Bunjaku uron Kosovën pas fitores ndaj Maltës

Më: 12 tetor 2018 Në ora: 10:18
Ish-trajneri i Përfaqësueses së Kosovës në futboll, Albert Bunjaku

Ish-trajneri i Përfaqësueses së Kosovës në futboll, Albert Bunjaku, ka uruar Dardanët për fitoren ndaj kombëtares së Maltës duke thënë se nuk dyshon që sukseset do të mungojnë edhe në të ardhmen.

Ai e ka quajtur trajnerin e tanishëm, Bernard Challandes, si një lider të mirë dhe ka thënë se rezultatet e fundit të kombëtares po tregojnë që futbolli Kosovar ka perspektivë të mirë.

Sipas tij, në të njëjtën kohë nuk duhet harruar se për ta materializuar atë perspektivë duhet punuar shumë.

“Duke qenë selektor i ekipit të Kosovës për disa vite me radhë, e di se sa shumë është dashur të punohet për të ardhur në këtë ditë për të shijuar fitoret”.

“Por, duke e ditur përkushtimin e shumë njerëzve të mire që nuk kursejnë asgjë për ta quar futbollin kosovar përpara si në krye të federatës e deri te trajnerët që fillojnë edukimin e fëmijëve Kosovar me këtë sport, nuk dyshoj që rezultatet nuk do të na mungojnë”.

“Edhe njëherë uroj nga zemra për këtë fitore djemtë tanë, dhe uroj që fitore të tilla të na gëzojnë edhe më tej”, ka shkruar Bunjaku.

Ndryshe, Kosova fitoi me rezultat 3-1 ndaj Maltës në ndeshjen e vlefshme për grupet e Ligës së Kombeve.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera