Arsene Wenger me rol drejtues te PSG - Bota Sot
Arsene Wenger me rol drejtues te PSG

Futboll

Arsene Wenger me rol drejtues te PSG

Më: 12 tetor 2018 Në ora: 21:45
Arsene Wenger

Pasi u largua nga pankina e Arsenalit, ku qëndronte prej më shumë se dy dekadash, francezi Arsene Wenger po joshet nga një opsion që mund ta rikthejë në vitrinën e futbollit kontinental.

Tekniku transalpin është kontaktuar nga skuadra e Paris SG për të firmosur në rolin e drejtorit sportiv.

Wenger vazhdon të shijojë pushime të merituara, pas thuajse një jete në angazhimin në kampionatin më të fortë të planetit, por nga koha e largimit prej Londrës veriore mund të mos jenë shumë muaj distancë.

Sheiku që ka në pronësi PSG-në kërkon eksperiencën e francezit për të ndërtuar një ekip që do të fitojë Champions Leaguen dhe i ka kërkuar Wengerit të jetë në krah të trajnerit Tomas Tuchel.

Tekniku gjerman ka pasur jo pak përplasje me drejtorin sportiv, Antero Henrike, e në një klub elitar si parizienët këto ndikojnë dhe brenda dhomave të zhveshjes.

Arsene Wenger shihet si njeriu që mund të krijojë urën lidhëse mes pankinës dhe lojtarëve. Nëse pranon të firmosë në “Parc des Princes”, kjo do të jetë aventura e parë e Wengerit jashtë Londrës, pas 22 vitesh.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...