Princi i Kurorës së Arabisë Saudite Mohammad Bin Salman është një nga njerëzit me të pasur dhe më të fuqishëm në botë. Në të vërtetë, miliarderët e shkretëtirës kanë një pasuri që vlerësohet 850 miliardë funte dhe tashmë objektivi i radhës për Bin Salman është investimi në një prej klubeve prestigjioze europiane, më konkretisht te “Djajtë e Kuq” të United. Gjithsesi, kjo nuk është hera e parë që sheikë multimiliarderë janë përfshirë dhe integruar në futbollin e Kontinentit të Vjetër, sikundër ndodh me kampionët e Premier League-s.
Manchester City është në pronësi të sheikut Mansour nga Abu Dhabi, ndërsa ai i Katarit, Al Khelaifi, ka ka skuadrën kampione të Francës, Paris Saint-Germain. Gjithsesi, pas spekulimeve mediatike, burime pranë klubit konfirmojnë se pronarët aktualë, familja Glazer, që e ka në pronësi këtë klub që nga viti 2005, nuk ka ndërmend të shesë aksionet. Oferta të cilën do të mund ta merrnin në konsideratë nuk duhet të jetë më pak se 4 miliardë paundë.
Gjithsesi, klubi ka patur ndikim nga bota arabe edhe në të shkuarën, sikundër ndodhi me marrëveshjen aktuale me qeverinë e Arabisë Sudite. Gjithashtu, “Djajtë e Kuq” kanë bashkëpunuar me Saudi Telecom që në vitin 2008 dhe me gjithë impaktin madhor që kanë miliardat e vendit të paradokseve të mëdha, gjithçka mund të ndodhë.
