Nga stafi i Inzaghit janë përcjellë me vëmendje dy ndeshjet që Kosova i luajti

Futboll

Nga stafi i Inzaghit janë përcjellë me vëmendje dy ndeshjet që Kosova i luajti

Më: 16 tetor 2018 Në ora: 14:04
Berisha

Dy ndeshjet e Valon Berishës me kombëtaren e Kosovës i kanë rënë në sy trajnerit të Lazios, Simone Inzaghit.

Trajneri, siç kanë raportuar mediumet në Itali të hënën, ka gjasa të mëdha t’i japë rastin Berishës të luajë nga fillimi në fundjavë ndaj Parmës.

Berisha luajti 74 minuta në ndeshjen e parë, të cilën Kosova e fitoi më 11 tetor në Prishtinë ndaj Maltës 3:1, kurse në barazimin 1:1 ndaj Ishujve Faroe, të dielën në Torshavn, luajti gjatë gjithë takimit.

“Pas dy ndeshjeve me ekipin kombëtar, Berisha do të jetë i gatshëm për Lazion ndaj Parmës. Valoni është gati të luajë që nga minuta e parë. Është parë një nivel i lartë nga ana e futbollistit që mungoi për gati dy muaj për shkak të lëndimit. Berisha cilësohet një blerje e rëndësishme për Lazion dhe nga stafi i Inzaghit janë përcjellë me vëmendje dy ndeshjet që Kosova i luajti këto ditë”, shkruan La Gazzetta dello Sport.

Sot mund të lexoni Shfletoni kopertinat