Llapi nga Podujeva ngadhënjeu me rezultat 3:1 ndaj Gjilanit, në ndeshjen derbi të javës së dhjetë të Kampionatit të Kosovës. Tri pikë domethënëse për llapjanët që i mban fortë në luftë për kreun e tabelës, kurse Gjilani nuk tregoi atë çfarë pritej. Llapi ka kaluar në epërsi që në minutën e 6-të me golin e Festim Alidemës, kurse Ansi Nika humb penalltinë për gjilanasit pikërisht në minutën e 40-të, kjo edhe i dekoncentroi në një farë forme.
Egzon Sinani shton epërsinë në 2:0 në minutën e 55-të. Në minutën e 66-të Edon Zeqiri me dinakërinë e tij thelloi epërsinë në 3:0, por mysafirët ngushtuan humbjen me golin e Endrien Maganin në minutën e 76-të.
Me një fjalë Llapi shkund me gola Gjilanin. Llapi ngjitet në vend të dytë me 19 pikë, por ka një takim me shumë se Prishtina në pozitën e tretë me 18 sosh dhe ngec për 4 pikë nga lideri Feronikeli, ndërsa Gjilani bie në renditje i shtati me 14. Në fakt, pas largimit të Bylbyl Sokolit, në vend të tij është kryetrajner Fadil Ademi dhe është fitorja e parë e tij me llapjanët.
IPKO Superliga, java e 10-të
Liria-Trepça ’89 0:4
Flamurtari-Drenica 0:3
Drita-Ballkani 6:1
Llapi-Gjilani 3:1
Feronikeli-Prishtina u shty
KEK-u-Ferizaj u shty
Tabela
1. Feronikeli 9 7 2 0 23
2. Llapi 10 6 1 3 19
3. Prishtina 9 5 3 1 18
4. Flamurtari 10 4 4 2 16
5. Drenica 10 4 3 3 15
6. Trepça 89 10 3 5 2 14
7. Gjilani 10 4 2 4 14
8. Drita 10 4 1 5 13
9. Ferizaj 9 3 1 5 10
10. Liria 10 3 0 7 9
11. Ballkani 10 2 3 5 9
12. KEK-u 9 0 1 8 1
Në javën e 11-të do të takohen: Ballkani-Flamurtari, Ferizaj-Drita, Drenica-Liria, Trepça '89-Llapi, Gjilani-Feronikeli dhe Prishtina-KEK-u.