Presidenti Aurelio De Laurentiis ka treguar mundësitë e rikthimit të Cavanit te Napoli, të cilat janë së pari që ai të dëshirojë të largohet nga PSG-ja dhe së dyti të ul kërkesën e tij.
Cavani ka realizuar më shumë se 100 gola në tre sezone me Napolin para se të shkonte në 2013-tën te PSG-ja.
“Vetëm po të jesh i çmendur nuk mund të jesh i lumtur te Napoli. Imagjino të zgjohesh në Liverpool, ti ke vetëm shtëpinë e “Beatles”. Në Paris ke shumë gjëra, por nuk ke motin që ka Napoli.”
Pyetjes së gazetarit nëse është ky një mesazh për Cavanin, De Laurentiis i është përgjigjur:
“Varet vetëm nga ai. Dyert tona janë të hapura. Nuk jam Qatari kështu që nëse ai nuk do të luajë me PSG-në dhe ul kërkesën e tij, mund të gjejmë një marrëveshje me klubin francez.”
“Asnjë nuk do të mbajë një lojtar me cilësitë e tij po të mos jetë i lumtur. Ai nuk është më 24 vjeç, por është pothuajse e pamundur që ai të dëmtohet, është elastik dhe do të luajë derisa të jetë 38".
