Trajneri i Barcelonës është shfaqur i lumtur pas fitores 2-0 ndaj Interit.
Pa Lionel Messin e lënduar, Barcelona arriti të triumfonte ndaj Interit me golat e Rafinhas dhe Jordi Albas. Tani ekipi katalanas ka nëntë pikë në Grupin B dhe me një hap është në 1/8 e finaleve.
Ernesto Valverde ka përgëzuar lojtarët e tij për mënyrën sesi e bllokuan lojën e kundërshtarëve dhe arritën të merrnin një fitore shumë me rëndësi.
“Mungesa e Messit vërehet gjithmonë, por ne duam ta ndjejmë mungesën e tij duke fituar. Këtë e kam thënë edhe para ndeshjes”, ka deklaruar Valverde.
“E kemi bllokuar lojën e Interit përgjatë tërë ndeshjes”.
“Është e vërtetë që ndeshja e sotme na ka ndihmuar të hedhim një hap para edhe pa Leon”.
“Qëllimi ynë ishte i qartë, duke e ditur se kë do të kishim përballë, duke mos ia lejuar Interit ta zhvillonte lojën e vet”.
“Ata janë një ekip sulmues, por ne ishim ekipi më i mirë në fushë”, theksoi trajneri i Barcelonës.
Ndeshja e kthimit mes këtyre dy skuadrave luhet pas dy javësh në San Siro.
