Pep Guardiola është një nga trajnerët më të mirë në botë, por edhe një trajner që hera herës szublon surpriza nga jeta dhe karriera e tij. Së fundmi ai ka treguar disa momente tmerri në vitin e kaluar ku gruaja dhe vajzat e tij, ishin në një koncert të Ariana Grandes në maj të vitit 2017 ku ndodhi dhe një sulm terrorist.
“Isha në shtëpi me djalin tim ndërsa gruaja dhe vajzat ishin në koncert. Në fund ishim me fat. Fatkeqësisht, shumë të tjerë vdiqën. Ajo më telefonoi e terrorizuar, por menjëherë u pre linja. Ajo më tha ‘diçka ka ndodhur dhe ne po vrapojmë, por nuk e di se çfarë ka ndodhur’, më pas u pre linja. U mundova ta telefonoja përsëri por nuk më funksiononte. Shkova në arenë. Pas pesë minutave ajo më telefoni përsëri duke më thënë se kishte dalë jashtë”.
