Shkëndija nga Tetova vetëm dy pikë është larg liderit të Kampionatit të Maqedonisë, Vardarit nga Shkupi. Kampioni në fuqi e deklasoi me rezultat 5:1 Makedonija GP, në kuadër të javës së 11-të. Futbollistët e Shkëndijes treguan lojë të madhe dhe e mbushën rrjetën e kundërshtarit. Për Shkëndijen shënuan: Visar Musliu (42'), Besart Ibraimi (45' +1 e 72’), Valmir Nafiu (86' e 90+2') dhe për mysafirët Hristijan Kirovski (69’).
Shkëndija renditet në vend të dytë me 22 pikë, dy me pak se Vardari dhe Makedonija GP është në pozitën e 6-të me 13 pikë. Skuadra shqiptare Renova nga Xhepçishti i Tetovës befasoi liderin Vardarin në stadiumin ““Boris Trajkovski” në Shkup, duke luajtur baras (0:0).
Një pikë e madhe për Renovën dhe që rritë apetitet për pjesën e lartë të tabelës. Renova është në vend të tetë me 12 pikë mbledhura. Shkupi nuk i shkoi mbarë në Prilep dhe pësoi humbje me rezultat 2:0 nga Pobeda.
Liga e Maqedonisë
A. Pandev-Bellasica 3:0
Pobeda-Shkupi 2:0
Shkëndija-Makedonija 5:1
Sileksi-Rabotniçki 2:0
Vardari-Renova 0:0
Tabela
1. Vardari 11 7 3 1 24
2. Shkendija 11 6 4 1 22
3. A. Pandev 11 6 1 4 19
4. Pobeda 11 4 2 5 14
5. Rabotnicki 11 4 2 5 14
6. Makedonija GP 11 3 4 4 13
7. Bellasica 11 3 4 4 13
8. Renova 11 3 3 5 12
9. Sileksi 11 2 4 5 10
10. Shkupi 11 2 3 6 9