Emery tregon se çfarë i tha Xhakës para golit fantastik ndaj Crystal Palaces: I dhashë një shtytje dhe ai e bëri

Futboll

Emery tregon se çfarë i tha Xhakës para golit fantastik ndaj Crystal Palaces: I dhashë një shtytje dhe ai e bëri

Më: 29 tetor 2018 Në ora: 00:04
Granit Xhaka

Trajneri i Arsenalit, Unai Emery, pas barazimit 2-2 ndaj Crystal Palaces zbuloi se çfarë i kishte thënë Granit Xhakas pak minuta para golit fantastik.

Ylli nga Kosova që luajti në këtë ndeshje si mbrojtës i majtë pasi dyshja Nacho Monreal dhe Sead Kolasinac, arriti të mposhtë portierin Wayne Hennessey me një perlë nga gjuajta e lirë në Selhurst Park.

Tekniku spanjoll zbulon se si e motivoi Granitin të shënojë një gol ta atillë nga gjuajta e lirë, ndërsa refuzoi ta qortojë djaloshin tonë për penalltinë e shkaktuar në fund të ndeshjes.

“Jam i dëshpëruar me rezultatin, por puna jonë është e mirë. Kemi barazuar, nuk është edhe keq. Me e mirë do ishte fitorja, por nëse i shikojmë 90 minutat është rezultatin i merituar”.

“Dy penallti në zonë është një aksion i vështirë për mbrojtjen tonë. Xhaka luajti si mbrojtës i majtë, ai është më i mirë në mesfushë. Nuk do i them asgjë (për penalltinë e shkaktuar)”.

“Në pushimin e pjesën e parë ne folëm për situatat e gjuajtjeve të lira dhe kualitetet e tij tek gjuajtjet e lira janë shumë të mira. I thash të provonte të shënonte nga gjuajta e lirë”.

“I dhashë një shtytje dhe ai e bëri”, ka thënë Emery për Xhakën pas ndeshjes.

Pas dhjetë xhirosh Arsenali renditet në vendin e katër me 22 pikë, ndërsa ndeshja e ardhshme është kundër Liverpoolit.

commentFirst article
Sot mund të lexoni Shfletoni kopertinat