Megjithëse duhen edhe dy muaj që të nisë merkato e dimrit, klubet evropiane kanë nisur planet për transferimet e mesit të sezonit.
Një nga këto klube është Liverpool, që thuhet të ketë bërë një ofertë për sulmuesin e Athletic Bilbao-s Iker Muniain, 25, kontrata e të cilit skadon në qershorin e 2019.
Gjithsesi spanjolli, i cili luan si titullar te baskët që në moshën 16-vjeçare, preferon të qëndrojë në San Mames.
Liverpool ka një skuadër të kompletuar, por Munian është një lojtar që i pëlqen së tepërmi trajnerit Jurgen Klopp.
Ai zotëron aftësi të mëdha teknike dhe është një nga ata lojtarë që mund të bëjë diferencën në çdo moment.