Feronikeli nga Drenasi shënon fitore të madhe me rezultat 2:1 në ballafaqim me Drenicën nga Skenderaj, në ndeshjen derbi të rajonit të Drenicës. Futbollistët e te dyja skuadrave treguan lojë të mirë, sidomos Feronikeli dëshmoi fuqinë e liderit.
Në minutën e 33-të, Da Silva kaloi në epërsi (1:0) Feronikelin, por mysafirët barazuan me golin e Osman Mziut në atë të 43-tën. Sulmuesi Kastriot Rexha është hero i fitores me golin që realizoi në minutën e 80-të.
Feronikeli kryeson me 29 pikë pas 13 jave në elitën e futbollit të Kosovës por ka një ndeshje me pak të luajtur dhe Drenica renditet në pozitën e shtatë me 18 pikë.