Skuadra më e trofeshme në vendin tonë, Prishtina, nuk e bën hesap Trepçën ’89 nga Mitrovica, duke e mposhtur me rezultat 2:0, në sfidën që u zhvillua në stadiumin “Fadil Vokrri” në Prishtinë. Prishtina ishte më e mirë dhe arkëtoi tri pikë në luftë për titullin e kampionit. Nga minuta e 70-të, Trepça ’89 mbetet me 10-të futbollistë në fushë. Kapiteni Ylber Maloku përjashtohet me karton të kuq nga gjyqtari Dardan Çaka pasi që e ndali si lojtar i fundit, Basid Khalidin i cili po vraponte i vetëm drejt portës pas një kundërsulmi. Në minutën e 16-të, Prishtina kaloi në epërsi duke ju falënderuar futbollistit Marjo Morinës. Në minutën e 55-të, ’89-shin me fat, Morina goditi bukur por shtylla ia mohoi golin. Në minutën e 68-të, Mërgim Pefqeli e rrëmben një top nga Meriton Korenica dhe me një goditje precize e dërgon topin në rrjetë. Prishtina shënon fitore të madhe, e cila renditet në vend të dytë me 27 pikë, dy me pak se lideri Feronikeli, kurse Trepça ’89 është në pozitën e nëntë me 15 sosh.
IPKO Superliga e Kosovës
Gjilani-KEK-u 2:0
Feronikeli-Drenica 2:1
Llapi-Ballkani 0:1
Prishtina-Trepça '89 2:0
Liria-Ferizaj 0:0
Flamurtari-Drita 0:1
Tabela
1. Feronikeli 12 9 2 1 29
2. Prishtina 12 8 3 1 27
3. Llapi 13 7 2 4 23
4. Drita 13 7 1 5 22
5. Gjilani 13 6 2 5 20
6. Flamurtari 13 5 4 4 19
7. Drenica 13 5 3 5 18
8. Ballkani 13 5 3 5 18
9. Trepça 89 13 3 6 4 15
10. Ferizaj 12 3 2 7 11
11. Liria 13 3 1 9 10
12. KEK-U 12 0 1 11 1
Në javën e 14-të do të takohen: Drenica-Prishtina, Ballkani-Feronikeli, KEK-u-Flamurtari, Trepça '89-Gjilani, Ferizaj-Llapi dhe Drita-Liria.