Trajneri i Chelsea, Maurizio Sarri, ka bërë të ditur dy emrat të cilët nuk përshtaten në lojën e tij.
Victor Moses dhe Danny Drinkwater duket se do ta kenë mjaft problem të bëjnë një vend në formacionin e londinezëve.
Nigeriani ishte pjesë kyçe e Chelsea gjatë kohës kur në krye të skuadrës ishte Antonio Conte.
Drinkwater gjithashtu u transferua asokohe nga Leicester City, me kërkesën e ish trajnerit.
Mirëpo, lojtarët duket se nuk kanë elementet e duhura për tu përshtatur me lojën e trajnerit të ri.
“Drinkwatër për mua nuk është i përshtatshëm në mesfushën e përbërë nga dy lojtarë të tjerë. I kam thënë atij dy muaj më parë se çfarë mendoj” ka thënë Sarri për reporterët.
“Moses është diçka më i përshtatshëm nëse luan në krahun e mbrojtjes. Nuk e di nëse ata do të kenë një të ardhme tek Chelsea. Duhet të përmirësohen shumë, por karakteristikat e tyre janë ndryshe” ka vazhduar Sarri.
Kërkesat për huazimin e Drinkwater nga skuadrat e Premierligës u hodhën poshtë nga skuadra londineze.
Moses gjithashtu thuhet të jetë i pakënaqur dhe dyshja pritet të largohen në janar.
