Se Barcelona ka një qasje unike në lojë është një fakt që e pranon edhe trajneri i Interit, Luciano Spalletti.
“Posedimi i topit është diçka që është e pamundur të nxjerrësh nga koka e tyre,” tha italiani këtë fundjavë përpara ndeshjes të së martës në San Siro.
“Ky ka qenë mentaliteti i tyre për vite me radhë, dhe ata blejnë lojtarë për tu përshtatur me këtë stilin e lojës . Një lojtar i Barcelonës mund të ketë probleme në një ekip tjetër, por jo atje”, vazhdoi Spalleti.
Spalletti ka mbetur i habitur nga përgatitjet para ndeshjes në Barcelonë,
Megjithatë, ajo që është më e habitshme për Spalletin është rutina e Barçës para ndeshjes.
“Në Camp Nou [përpara takimit të parë të grupit B, muajin e kaluar], i pashë ata të dilnin për të ngrohur dhjetë minuta para ndeshjes […]” tha ai. “Ne kishim pyetur edhe nëse kishin një palestër brenda [stadiumit] që ne të mund të fillonim të ngroheshim, por jo”.
“Jo vetëm kaq, por lojtarët e mi më kanë thënë se, në pasditen e lojës, futbollistët e Barçës kishin shkuar për t’i marr fëmijët e tyre nga shkolla dhe më pas kishin marrë në makinat e tyre për të shkuar në stadium. Në qoftë se ne të përgatiteshim njëjtë për lojëra si kjo, do të humbnim 18-0”, ka thënë trajneri i Interit.
Ndërkohë, Spalletti foli për kapjen e tij në perspektivën e kapitenit të Barcelonës, Lionel Messi duke u rikthyer përpara kohës nga një lëndim në krah për t’u ndeshur me Interin.
“Preferoj që ai të mos luajë”, tha 59-vjeçari. “Kur ai është në fushë, ai e bën Barçën një forcë spektakolare të fortë [sulmuese]”, përfundoi Luciano Spalleti.
