Hysaj mes më të mirëve në botë - Bota Sot
Hysaj mes më të mirëve në botë

Futboll

Hysaj mes më të mirëve në botë

Më: 6 nëntor 2018 Në ora: 13:58
Hysaj mes më të mirëve në botë

Është Kilië Mbape futbollisti më i kushtueshëm në qarkullim. E thotë studimi i Observatorit Ndërkombëtar të Futbollit, CIES, që ka publikuar listën e lojtarëve më të shtrenjtë, duke përdorur algoritmin e saj të veçantë. Sipas projeksionit të fundit, sulmuesi francez dominon klasifikimin, përpara Herri Kejnit dhe shokut të skuadrës Nejmar.

Kampioni i botës nuk është ende 20 vjeç, por kartoni i tij i kalon 200 milionë eurot. Bie në sy mungesa e Kristiano Ronaldos në “top 10”. Mes portierëve, më i çmuari është titullari i Sitit, Ederson. Nuk mungon as Elseid Hysaj, në kategorinë e mbrojtësve të krahut më të shtrenjtë, i cili lë pas Bejerinin e Arsenalit, Odriozolën e Realit, madje edhe një kampion bote si Lukas Hernandez. Por, mbrojtësi kuqezi nuk pritet të ketë një duel me Mbapenë apo Nejmarin sonte në përballjen kundër PSG-së në “San Paolo”, sepse Ançeloti vazhdon ta lërë jashtë skemës së tij në Champions.

Ançeloti – Ndryshe nga dy javë më parë në Paris, italianët do të kenë ndihmën e 55 mijë tifozëve për të mundur Nejmarin dhe Mbapenë me shokë. “Grupi është mirë. E dimë vështirësinë dhe rëndësinë e kësaj ndeshjeje. Ambienti është i karikuar për të bërë më të mirën”, tha tekniku i Napolit në vigjilje. Përballë ishskuadrës së tij do të rigjejë Bufonin, një mik të vjetër të tij: “Është gjithnjë kënaqësi ta takoj. Ka shumë ndryshime ekipi aktual i Parisit me atë timin.

Atëherë, skuadra ishte në ndërtim, ndërsa tani projekti ka mbërritur në fazën përfundimtare, atë për të fituar Champions-in. Tani PSG është një prej ekipeve më të forta të Europës”.

Ndeshja ndaj francezëve është një duel direkt që do vendosë edhe për klasifikimin. PSG-së i duhet fitorja, ndërsa Napolit i shkon për shtat edhe një barazim. Por, në të dyja rastet, asnjëra nuk kualifikohet matematikisht: “Grupi është shumë i ekuilibruar dhe i pasigurt. PSG nuk do të bëjë llogari për klasifikimin.

Sigurisht që do kërkojnë të fitojnë, sepse është në mentalitetin e skuadrave të mëdha dhe nuk do mendojnë për klasifikimin. Në short ishim forcë e tretë, tani jemi në valle për kualifikimin. Skuadra më transmeton ndjesi pozitive, do të bëjmë një ndeshje të madhe”.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...