Trajneri i Prishtinës, Mirel Josa thotë se është i kënaqur me fitoren e skuadrës së tij kundër Feronikelit, por nuk mendon se është fitorja më e rëndësishme e këtij stinori.
Prishtina mundi në udhëtim Feronikelin me rezultat 1:0, duke rrëmbyer kreun e tabelës.
“Nuk mund të them se ishte fitorja më e rëndësishme, sepse të gjitha janë të tilla. Rëndësi ka vazhdimësia që po e tregojnë futbollistët dhe përgjigja e tyre për këtë ndeshje derbi”, ka thënë Josa. Prishtina tani ka 33 pikë, një më shumë së Feronikeli.